Четири намирници што треба да ги избегнувате по 50-тата година

Како што старееме, здравјето на срцето станува сè поважно, а исхраната игра клучна улога во одржувањето на здрав циркулаторен систем. Ризикот од срцеви заболувања се зголемува во средната возраст, па затоа е важно да се обрне внимание на храната што може да го зголеми холестеролот и да доведе до запушени артерии. Додека некои ризични состојки се веќе добро познати, други се кријат зад „здрави“ етикети. Експертите идентификуваа неколку намирници што треба да се ограничат, особено по 50-годишна возраст, за да се намали ризикот од кардиоваскуларни заболувања.

Кокосово масло

Иако е популарно поради неговите придобивки за косата и како додаток во исхраната, кокосовото масло е богато со заситени масти.

„Кокосот и кокосовото масло се многу богати со заситени масти. Заситените масти се поврзани со зголемување на LDL, или лошиот холестерол. Кога LDL е зголемен, ризикот од срцеви заболувања се зголемува“, вели диететичарот Џеси Федер за SheFinds.

Во умерени количини, тоа не е проблем, но дефинитивно се препорачува да го ограничите внесот.

Сланина

Овој деликатес од пушено преработено месо е исклучително богат со натриум, што може да го зголеми крвниот притисок и да предизвика дополнителен товар на срцето.

,,Сланината од говедско или свинско месо е полна со заситени масти и натриум и е една од најлошите намирници кога станува збор за затнување на артериите. Заситените масти го поттикнуваат црниот дроб да произведува повеќе холестерол, што може да доведе до атеросклероза“, предупредува нутриционистката Никол Ендрус.

Преработени ладни парчиња

Иако месото може да биде вреден извор на протеини, преработеното месо како шунка, салама и колбаси се меѓу најнездравите избори.

„Преработеното месо е на врвот на листата на храна што може да го зголеми ризикот од срцев удар и мозочен удар“, вели кардиологот д-р Раед Баргут.

Ако барате практична опција за ручек, експертите велат дека е подобро да користите свежо пилешко или мисиркино месо што сте го подготвиле сами.

Маргарин и растителни масла

Иако често се рекламираат како поздрави алтернативи на путерот, маргаринот и некои растителни масла – особено хидрогенизираните – содржат штетни транс масти.

„Иако се претставуваат како подобар избор, некои маргарини и растителни масла всушност содржат високо ниво на транс масти. Транс мастите се особено штетни бидејќи го зголемуваат лошиот LDL и го намалуваат добриот HDL холестерол, што го зголемува ризикот од насобирање на плаки во артериите“, заклучува нутриционистот и диететичар Мери Сабат.