Чудо во Мјанмар: Жена (63) извлечена од под урнатините по повеќе од 90 часа од земјотресот!
Досега се пријавени повеќе од 2.700 смртни случаи, а се очекува бројката да надмине 3.000. Исто така, повредени се 4.521 лице, а 441 се водат како исчезнати.
Шеесет и тригодишна жена беше извлечена од урнатините 91 час по разорниот земјотрес со јачина од 7,7 степени според Рихтеровата скала што го погоди Мјанмар.
Таа беше спасена вчера во Нај Пји Тав, главниот град на Мјанмар.
Ова е вистинско чудо, ако се земе предвид колку време помина.
Досега се пријавени повеќе од 2.700 смртни случаи, а се очекува бројката да надмине 3.000. Исто така, повредени се 4.521 лице, а 441 се водат како исчезнати.
Покрај жртвите, повеќе од 10.000 згради се уништени или сериозно оштетени, особено во централниот и северозападниот дел на Мјанмар.
Во Мандалеј, вториот по големина град, 50 деца и две учителки ги загубија животите при уривање на градинка. последователните потреси и стравот од други земјотреси принудија многу луѓе да спијат надвор на улиците или на отворено на полињата.
