Што е „розова ретроспектива“, фиксација на размислување за бившиот

Додека сте во нова романса, каде се чувствувате исполнето со партнерот, а пеперутките во стомакот се дел од вашето секојдневие, сепак не можете да престанете да размислувате за бившиот

Ако ова ви звучи познато и искусно, запомнете дека овој феномен не е единствен, туку целосно универзален.

„Секоја врска влијае на некој начин на нас, во добро или во лошо. Овие чувства ги задржуваме за себе додека одиме напред во животот и започнуваме нова врска“, вели терапевтот Никол Саундерс.

„Многу е нормално нашите сегашни искуства да поттикнат спомени од минатото. На пример, ако вашиот сегашен партнер сака појадок во кревет и тоа е ритуал што го имавте со бившиот, тие спомени природно ќе се појават на површина“.

Не заборавајќи го фактот дека живееме во свет каде што е полесно од кога било да се задржат дигиталните спомени на поранешниот, од гледање приказни на Инстаграм до објави, видеа или фотографии.

Поради пристрасноста наречена „розова ретроспектива“, ние тежнееме да се сеќаваме на минатите врски во поповолно светло отколку што сме ги доживеале во моментот кога се случиле.

Ако се сеќавате на бившиот партнер, можеби ќе се вклучите во она што психолозите го нарекуваат „розови ретроспективи“. Феномен кој инаку е означен како „еуфорична меморија“.

Ова искривување може негативно да влијае на вашето искуство за сегашноста и да ги наруши вашите очекувања за иднината. Можеби, со текот на времето ова води до идеализирање на бившиот.

Ако сè уште често размислувате за бившиот, но немате желба повторно да се соберете, спомените се веројатно симболични и одразуваат работи што сте ги научиле за себе, велат експертите.

„Овие сеќавања можат да ги истакнат аспектите на врската што ви требаат или не ви се потребни, што може да биде многу корисно за продлабочување на вашата свест“, додаде терапевтот, цитира Анабел.

Се чини дека нема одредено време кога треба целосно да се вложите во нова романса или да се чувствувате оздравени по тешкото раскинување. Ако сте емотивно вклучени во вашата нова врска, само дајте си време.