Што знаеме за мрачното минато на таткото на Вања: Коцкарските долгови го однеле во криминал, поради тоа учествувал во киднапирањето?
Додека се чека екстрадицијата на Љупчo Палевски, главниот осомничен за убиството на тинејџерката Вања Ѓ. (14) во Скопје, најголемата мистерија што ги измачува граѓаните на Северна Македонија, но и на Балканот, е улогата на татко во нејзиното киднапирање. Александар Ѓ. е во притвор поради сомнение дека на киднаперите им дал информации за движењето на неговата ќерка. Се поставува прашањето – зошто, а одговорот можеби лежи во неговото минато.
Вања беше киднапирана од зградата во која живееше со мајка и’ и сестра и’ на 27 ноември. Ја киднапирала група на чело со Палевски.
Сите осомничени се во притвор, а се очекува екстрадиција на Палевски од Турција. Токму фирмата на Палевски учествувала во изградбата на зградата во која живеела Вања, а сопственик на станот бил нејзиниот татко. Тоа значи дека ги знаеле сите детали за зградата и на тој начин ја киднапирале Вања.
Како што подоцна открила полицијата, информации за движењето и точната локација на Вања дал нејзиниот татко Александар. Тој е уапсен и пред истражните органи негирал дека го сторил делото.
Тој доби 30 дневен притвор, а сè уште нема одговор на прашањето: Зошто учествувал во киднапирањето на ќерката?
Коцкарски долгови?
Многу се шпекулира дека Александар имал коцкарски долгови, поради што сакал да изнуди пари од Зорица.
Таткото на Вања е осомничен дека му открил на убиецот како, каде и каде ќе се движи Вања тој ден. Затоа убиецот точно испланирал сè. Според лица кои се запознаени со истрагата, таткото Александар бил проблематичен човек, коцкар и наркоман. А потекнува од богато семејство од Скопје – татко му бил филмски режисер и работел во Полска. Неговата бесчувствителност ја шокираше јавноста, кога им даде два палци на новинарите кога го придружуваа на суд.
Станот и имотот на мајката
Полицијата се сомнева дека тоа го направил за финансиска корист. Мајката на Вања, Зорица, наводно продала два стана, за кои Александар знаел.
Полицијата смета дека Александар поради тоа сакал да изнуди пари од мајката на Вања.
Покрај парите од продажбата на становите, семејството на мајката на Вања е и богато.
„Дедото на Вања по мајка и целото семејство беа угледно и богато семејство. Директор на царината бил дедото на Вања, Ванѓел, по кого и била именувана, а нејзината баба била од познато влашко семејство. Мајката на Вања живеела со двете ќерки во станот на зградата што ја изградил Палевски, па сè било прецизно испланирано околу нејзиното киднапирање. Судска медицина ја заврши обдукцијата и според првичните информации таа била убиена со пиштол од Палевски. Нема официјална информација дали киднаперите побарале пари, тоа ќе го покаже истрагата“, валат извори кои го познаваат ова семејство.
