ШТО ИМАЛО ВО ГЛАВАТА МОМЧЕТО-МОНСТРУМ (13 г.)!? Експертите откриваат детали од истрагата: На Коста му недостасувала МНОГУ важна компонента !?

Не стивнува „бурата“ по масовното убиство основното училиште „Владислав Рибникар“, а познати се нови информации за момчето-убиец (13 г.) кое е осомничено за убиство на девет лица.

Србија и понатаму продолжува да тагува за сите загинати во масакрот во основното училиште „Владислав Рибникар“, а јавноста е желна за одговор на прашањето кое сите ги мачи – што имало во главата на момчето (13 г.) кое е осомничено за убиство на девет лица, осум ученици и училишен чувар!?

Налутената и загрижена српска јавност се прашува како е можно 13-годишно момче да планира вакви убиства. Откриено е што истражувало осомниченото момче на Интернет, а на неговото биро биле пронајдени две белешки. На едната беше нацртана карта на училиштето, а на другата листа со имињата на децата што треба да се ликвидираат. На списокот имало 16 деца, а се сомнева дека тие деца биле на списокот бидејќи наводно биле подобри од него.

„Воопшто не е генијалец, како што е наведено. Можно е да му пречеле другите, бидејќи морал, на пример, да вложи повеќе труд за да го постигне успехот на една од неговите жртви или угоди на неговите родители кои според се што знаеме барале од него беспрекорен успех. Може да се каже дека го воспитале спартански“, тврди извор запознаен со истрагата, пишува Блиц, а пренесува српски Курир.

Родителите на осомниченото момче наводно биле многу горди на своето дете, нарекувајќи го „мал гениј“. Освен на училиште, одел и на вон-наставни активности – зборувал странски јазици, одел во актерска школа, музичко училиште, се занимавал со спорт, бил одличен ученик и победувал на градските натпревари.

Осомниченото момче се наоѓа на Клиниката за неврологија и психијатрија за деца и младинци во Србија. Тој е во строга изолација, а во набљудувачкиот тим има тројца експерти. Изворот на кој се пивикуваат српските медиуми, наведува дека практиката е да се спроведе целосна анализа односно експертиза и дополнителна дијагностика, како што е, на пример, анализа на структурата на централниот нервен систем со помош на скенер. Сепак, се претпоставува дека момчето убиец нема вродени физички аномалии. Засега од сигурни извори се дознава дека момчето убиец не покажува каење, тврдат српските медиуми.

Врз основа на овие информации, експертите цврсто веруваат дека момчето убиец поради некоја причина нема формирана важна компонента на личноста, т.н. суперего. Според теоријата на Зигмунд Фројд, основачот на психоанализата, суперегото е етичка компонента на нечија личност која на предметната личност му дава морални стандарди врз основа на кои се однесува. Суперегото се развива главно во текот на првите пет години од животот на детето, како реакција на родителското казнување или одобрување.

Притоа, детето ги апсорбира моралните стандарди на родителите, традициите на семејството и општеството во кое расте и во него се формира суперего кое ја контролира агресијата и другите општествено непожелни импулси. Кога детето има соодветно развиено суперего, тоа чувствува вина или вознемиреност кога ги прекршува етичките стандарди поставени од неговото суперего и има потреба да се оправда или извини за своите грешки. Ништо од тоа не е случај со момчето убиец.

За потсетување, осомниченото момче наводно никој не го посетува на Клиниката за неврологија и психијатрија за деца и млади, а неговата мајка не изразила желба да го види и посети. Родителите и претставниците на часовите на кои присуствуваа децата кои беа убиени во „Владислав Рибникар“ во среда на 10. мај предложија седум барања. Овие барања на прес-конференција ги изнесе претседателот на Советот на родители, Игор Ѓорѓевиќ, а во Владата на Србија се одржа средба меѓу претставници на Советот на родители и Советот за спречување на врсничко насилство формиран од Владата на Србија. Според Игор Ѓорѓевиќ, Владата на Србија ветила дека ќе ги исполни сите барања.