Што не треба да им кажете на ожалостените!? По реченицата „Примете го моето сочувство“ настанува молк, а овие зборови би можеле да повредат

„Прифатете го моето сочувство“ во нашиот регион е најчестиот начин на изразување сочувство и тага поради нечија загуба. После тоа владее тишина и тага ги обзема сите што се таму. Дали сте загрижени што да му кажете на личност која изгубила некој што му е драг, без да го растажите или навредите?

Сузан Александар, експерт за односи, за Your Tango, советуваше како можете да го изразите своето сочувство на различни начини – без непотребни зборови и клишеа. За почеток, можете да погледнете наназад на заедничките моменти и спомени на починатиот. Потсетете ги ужалените на омилените моменти со починатиот, тоа ќе ги „врати“ во среќни времиња. Исто така, слушањето е многу поважно од зборувањето. Обезбедете и на другата страна личност која ќе слуша и разбира. Бидете подготвени да помогнете во особено тешки времиња советува Сузан.

Што треба да му кажете на човек кој изгубил некого?

* „Жал ми е за твојата загуба“.

* „Секогаш сум тука да те сослушам и да разговарам со тебе ако ти треба тоа“.

* „Разбирам како се чувствувате во моментов и ниеден збор не може да ја замени болката“.

* „Тука сум за тебе секогаш“.

* „Тука сум што и да ти треба“.

Што не треба да му кажете на човек кој изгубил некого?

„Запомнете дека не треба да ја поправите ситуацијата или да ја сфатите смислата, ниту да се обидувате да ја усогласите тагата на личноста со вашата. Не правете претпоставки за личноста која починала“, советува Сузан.

* “Сè се случува со причина.”

* „Тој/таа е на подобро место“.

* “Немој дa плачеш.”

* „Тој/таа повеќе не страда“.

* „Бидете благодарни што сте живи“.