Јавноста повторно ги подгреа гласините: Мишел и Барак Обама наводно се разведуваат

Повторно се појавија шпекулациите за можен развод на поранешниот американски претседател Барак Обама и неговата сопруга Мишел.

Шпекулациите повторно ги подгреа фактот дека Мишел не присуствуваше на погребот на поранешниот претседател Џими Картер на 9 јануари 2025 година, како и најавата дека нема да присуствува на инаугурацијата на новоизбраниот претседател Доналд Трамп на 20 јануари. 2025 година.

Нејзиното отсуство предизвика бројни шпекулации за можни брачни проблеми. Иако беше потврдено дека Барак Обама ќе присуствува на инаугурацијата, јавноста и медиумите немаа официјални информации за причините за отсутноста на Мишел.

Оваа ситуација предизвика дебата на социјалните мрежи и во медиумите. Иако низ годините одвреме навреме во медиумите се појавуваа гласини за брачни несогласувања на оваа двојка, тие се уште се заедно, а јавно истакнаа дека поминале низ тешки периоди со меѓусебно разбирање и поддршка.

Мишел Обама неколку пати отворено зборуваше за предизвиците во нејзиниот брак, спомнувајќи ги притисоците кои ги носат кариерата и родителството, но и нагласи како тие двајца успешно ги надминале овие пречки.

Сепак, ниту Барак, ниту Мишел се уште не ги коментирале овие најнови гласини кои уште еднаш покренаа прашања за нивниот брак.

Двојката се запознала во 1989 година додека Мишел работела како ментор во адвокатската канцеларија Сидли Остин, каде Барак бил практикант. Тие се венчаа во 1992 година и имаат две ќерки, Малија и Саша.

Нивниот брак, кој долго време беше предмет на вниманието на јавноста, помина низ многу предизвици, но тие секогаш нагласуваа дека останаа заедно поради силата на нивната љубов и заедничките вредности.