Јаневска: Законот за средно образование ќе се подобрува, државните симболи мора да се почитуваат

,,Јас како министерка за образование не можам да дозволам да настрадаат уште пет закони, бидејќи ДУИ не сака еден закон – да се пее химна“, изјави министерката за образование Весна Јаневска за „Слободен печат“.

Химната нема да се интонира на почетокот и на крајот на учебната година и во училишните патронати, бидејќи Владата го повлече предлог законот за средно образование откако имаше блокада и реакции на него.

Министерката за образование Весна Јаневска вели дека не се откажува од почитувањето на државните симболи и дека допрва ќе бара начин како да функционира во мултиетничко општество. Од друга страна, владејачката ВЛЕН повлекувањето на Предлог-законот го оцени како успех, како и ДУИ.

Јаневска најави дека законот ќе се подобрува и дека се размислува како да се реши почитувањето на државните симболи.