Јапонската Влада со апликација за запознавање се обидува да го реши проблемот со намалувањето на населението

 Јапонската влада одлучи да ги искористи парите на даночните обврзници за Tapple, апликација за запознавање што спојува луѓе со слични хоби и интереси.

Причината за ваквиот потег на владата е што Јапонија се соочува со невиден пад на населението, па затоа задача на населението е да помогне во решавањето на тој проблем.

Токио има најголем процент на никогаш невенчани мажи и жени на возраст под 50 години. Земјата на изгрејсонцето често се поврзува со растечкиот број на луѓе кои живеат сами. Еден од 10 луѓе во Јапонија има 80 години или повеќе, така што таа е земја со најстара популација, а старите луѓе не добиваат потомство.

Со воведување на апликација за запознавање и организирање виртуелни состаноци, владата сака да ги поттикне младите генерации да се запознаваат.

Апликациите за запознавање станаа водечки метод за наоѓање партнер. Со цел да се спречи измама и да се одвратат луѓето кои се веќе во брак, процесот на верификација бара документација од родните градови за да се потврди невенчаниот статус на корисниците.

Истражувањето спроведено во Токио во 2021 година ја истакна популарноста на апликациите за запознавање, при што 14,5 отсто од испитаниците ги избрале. Градот планира да ги користи социјалните медиуми за да ја подигне свеста за прашањата за злоупотреба, а операторите на апликацијата очекуваат позитивно влијание врз индустријата од оваа стратегија за верификација. Корисниците често се регистрираат на повеќе платформи.

Дали апликацијата ќе ги мотивира луѓето да се запознаат или не, останува да видиме. Токио има и најголем процент на 50-годишници кои никогаш не се венчале во споредба со кој било друг град во Јапонија. Тој процент е 32,15 отсто кај мажите и 23,79 отсто кај жените.