ЈАСНА ПОРАКА ОД САД – Џо Бајден: “Ова е чин на чисто зло во Израел! Доколку ние бевме нападнати, нашиот одговор ќе беше брз и решителен“
Претседателот на САД, Џо Бајден, ги осуди саботните напади на Хамас врз Израел, нарекувајќи ги „чин на чисто зло“, пишува CNN.
„Народот на Израел претрпе чисто зло од крвавите раце на терористичката организација Хамас, група чија наведена цел е да убива Евреи. Ова е чин на чисто зло“, порача Џо Бајден во вторникот.
Тој истакна дека повеќе од 1.000 луѓе загинале во Израел, вклучително и најмалку 14 американски државјани.
„Беа заклани родители кои се обидуваа да ги заштитат своите деца со сопственото тело, убиваа бебиња, цели семејства. Младите беа масакрирани додека присуствуваа на музички фестивал за да го прослават мирот. Жените беа силувани, напаѓани, прикажувани наоколу како трофеи. Луѓето кои го преживеале Холокаустот биле киднапирани. Семејствата со часови се криеа од страв, очајно обидувајќи се да ги смират своите деца за да не привлечат внимание. И илјадници ранети, живи, но со рани од шрапнели како потсетник на ужасот“, кажа Џо Бајден во својот говор.
Џо Бајден порача дека ако САД бидат нападнати на начинот на кој Израел беше нападнат викендов – „нашиот одговор ќе биде брз и решителен“.
„Како и секоја нација во светот, Израел има право да одговори – всушност, тој има должност да одговори на овие сурови напади“, кажа Џо Бајден, кој, пред да и се обрати на јавноста, штотуку заврши уште еден телефонски разговор со премиерот на Израел, Бенјамин Нетанјаху.
Џо Бајден кажа дека неговата администрација ја зголемува воената помош за Израел, вклучувајќи муниција и проектили што ќе ја полнат израелската Армија.
Џо Бајден исто така кажа дека Соединетите Американски Држави го зголемиле своето воено присуство во регионот.
„Министерството за одбрана го премести носачот на авиони USS Gerald R. Ford во источниот Медитеран и го зголеми присуството на нашите борбени авиони. И ние сме подготвени да испратиме дополнителни средства по потреба“, нагласи тој.
Џо Бајден ги предупреди и сите непријателски страни да не ја искористуваат ситуацијата во Израел.
„Можеби ни се скршени срцата, но нашата одлука е јасна“, кажа тој и додаде: „Вчера разговарав и со лидерите на Франција, Германија, Италија и Велика Британија за да разговарам за најновите случувања со нашите европски сојузници и да го координираме нашиот единствен одговор“.
