Ја задавил со каиш а потоа ја силувал! Идентификуван манијак кој малтретирал жена, пронајден врз основа на еден необичен детаљ
Мажот снимен како дави жена со каиш пред да ја силува, е идентификуван како 39-годишен маж, соопшти полицијата.
Кашан Паркс (39), таткото на малото девојче, бил именуван како осомничен девет дена по бруталниот напад во Јужен Бронкс, каде жртвата била врзана околу вратот со каиш пред да биде сексуално нападната.
Фотографиите на социјалните мрежи го прикажуваат како љубезен татко и партнер, кој често си игра со својата ќерка или се смее со својата партнерка.
NYPD потврди за DailyMail.com дека жртвата, 45-годишна жена, се движела во близина на Источната 152-та улица и Третата авенија околу 3 часот наутро кога Паркс наводно се прикрал зад неа.
Паркс потоа, наводно, ставил каиш околу вратот на жртвата, поради што таа изгубила свест, пред тој сексуално да ја нападне , соопшти њујоршката полиција.
NYPD рече дека иако нема формално апсење, Паркс може да се предаде.
Жртвата не го пријавила делото
Додека безбедносните снимки од инцидентот станаа вирални на социјалните мрежи, полицајците рекоа дека не биле веднаш известени за ситуацијата бидејќи жртвата не пријавила.
Всушност, полицијата дознала за инцидентот дури кога жртвата била уапсена за ситна кражба. Таа соработувала и го идентификувала Паркс како човекот кој ја нападнал.
„Нашата жртва рече дека го видела претходно; таа всушност ни ги опиша неговите заби, тој имаше необични заби“, изјави шефот на патролата Џозеф Кени. „Таа рече дека има простор меѓу неговите заби“.
На снимката од надзорните камери видена од DailiMail.com се гледа жена како оди пред Паркс, за која полицијата се сомнева дека има врзана бела ткаенина околу долната половина од лицето.
Тој и’ замотал каиш околу вратот и ја повлекол на земја, а додека жената се борела, таа брзо паднала.
Паркс наводно ја влечел по тротоарот и меѓу две паркирани автомобили. Тој, наводно, погледнал наоколу пред да се наведне над телото на жената, кое било сокриено од погледот.
Полицијата верува дека нападот се случил по претходен разговор меѓу двете лица таа вечер, во кој имало секс во замена за пари.
Меѓутоа, според полицијата, кога овој договор не се случил, Паркс станал крајно лут и наводно ја задавил жртвата со каиш пред да ја силува.
