“ЈА ПРАВИМЕ ИСТАТА ГРЕШКА ОД 2011 ГОДИНА!“ – Министерот кого Бенјамин Нетанјаху го избрка од воениот кабинет е бесен: “На Хамас му дадовме се што побараа!“

Десничарскиот министер за безбедност на Израел, Итамар Бен-Гвир, во средата го повтори своето противење на договорот со Хамас за четиридневен прекин на огнот, кој треба да стапи на сила во четврток наутро, и ослободување на десетици заложници во замена за палестински затвореници.

„Хамас ја сакаше оваа пауза повеќе од било што“, напишаИтамар Бен-Гвир во објава на социјалната мрежа Х (Твитер).

Во подолгата објава, министерот напиша дека Хамас сака да ги ослободи жените и децата што ги држеше како заложници, бидејќи тие се изложени на преголем „меѓународен притисок“.

„Хамас за возврат сакаше гориво, ослободување на терористите, крај на воените операции, па дури и зона на забранети летови. Тие добија се“, напиша тој.

„Прекинот на огнот ќе му даде време на Хамас да се снабдува и реорганизира“, тврди тој, додавајќи дека Израел ги повторува грешките од минатото.

Тој мислеше на договорот од 2011 година, кој сè уште е контроверзен во Израел. Во тоа време, повеќе од 1.000 палестински затвореници беа ослободени, вклучувајќи го и лидерот на Хамас во Појасот Газа, Јахја Синвар, во замена за израелскиот војник Гилад Шалит, кој пет години го држеше Хамас.

Итамар Бен-Гвир беше исклучен од воениот кабинет на премиерот Бенјамин Нетанјаху.

Хамас држи 240 заложници откако уби 1.100 луѓе во нападот врз Израел на 7. октомври.

Хамас и израелската Влада се договорија за четиридневен прекин на огнот и размена на 50 заложници за палестински затвореници.

Според Хамас, во четврток е планирано примирјето да започне во 10 часот по локално време.