Џеј Ло се обидува да ги сокрие гласините за нејзиниот развод: Штом се врати од патувањето, веднаш истрча да направи една работа (ФОТО)

Поради гласините дека разводот на славната двојка е неминовен, Џенифер Лопез е снимена како оди во канцеларијата на нејзиниот сопруг Бен Афлек.

54-годишната пејачка неодамна се врати од патување во Италија, а на пат кон Европа го украде вниманието додека леташе со економска класа за Париз

По враќањето во Лос Анџелес, таа го посети Бен во неговата канцеларија, а претходната вечер тој беше фотографиран од папараците со венчалниот прстен што претходно го извади.

Се дозна дека двојката неодамна ја продала заедничката вила, а медиумите веќе извесно време пишуваат дека разводот е сигурен и дека нивните постапки само сè повеќе ја заинтригираат јавноста.

Да потсетиме дека Лопез и Афлек се венчаа во август 2022 година. Парот, кој го носеше заедничкиот прекар Бенифер, беше во врска и на почетокот на 2000-тите, кога исто така планираа да се венчаат, но во 2003 година одеднаш раскинаа и ја откажаа венчавката.

Во меѓувреме, Лопез беше во брак со пејачот Марк Ентони, со кој ги добија близнаците Макс и Ема. Афлек има три деца, Фин, Вајолет и Семјуел од бракот со актерката Џенифер Гарнер.