Џорџина на Роналдо покажа огромен прстен: Откако фудбалерот откри зошто сè уште не ја запросил, таа покажа скапоцен камен кој се гледа од авион (фото)

Џорџина Родригез (31) објави фотографија од огромен веренички прстен на Инстаграм – само неколку недели откако Кристијано Роналдо (40) ја откри причината што сè уште не ја запросил.

Партнерот на Роналдо сподели слика од правоаголниот, проѕирен скапоцен камен, со зборовите: „И чувај нè од злото, амин“, напишани на арапски.

Таа ја има истетовирано истата фраза на раката, но во овој случај, тоа може да се однесува на зголемена безбедност за неа и нејзиното семејство во Саудиска Арабија.

Иако Родригез го покажува прстенот, се верува дека парот сè уште не е свршен. Всушност, токму минатиот месец Роналдо ја откри причината поради која се уште не се во брак.

Тој на Нетфликс рече: „Секогаш и велам „кога ќе го почувствуваме тој клик“. Како и со сè во нашиот живот, таа знае што мислам дека тоа може да биде за една година, за шест месеци или за еден месец.

Двојката е во врска од 2016 година и има две ќерки – Алана, која има седум години и Бела, која има две. Таа е и маќеа на неговите три други деца.

Родригез во своето реално шоу „Јас сум Џорџина“ раскажа како пријателите ја задеваат за бракот.

Таа рече: „Секогаш се шегуваат за свадбата.„Кога е свадбата?”

Уште кога излезе песната на Џенифер Лопез „The Ring or When“ , тие почнаа да ми ја пеат. И, добро, не зависи тоа од мене.

Иако не се во брак, Роналдо често ја нарекува Џорџина како своја „сопруга“.

Во декември, на доделувањето на наградите Глоуб Сокер 2024 во Дубаи, тој рече: „Голема чест е да се освои оваа награда. Мојот најстар син е тука, мојата сопруга е тука“.

А во играта „Тој и таа“ на неговиот канал на Јутјуб кон крајот на август и тој така ја нарече.

Бидејќи Роналдо моментално игра за Ал-Наср во Саудиска Арабија, парот живее во главниот град Ријад.