Џорџ Клуни по 40 години ќе глуми во сценска претстава: „Малку сум нервозен“

Џорџ Клуни изјави дека се чувствува нервозен дека ќе излегува на сцената за неговата претстојна претстава „Добра ноќ и среќа“.

Клуни изјави дека не глумел во претстава од 1986 година.

„Не сум глумел во претстава 40 години, тоа е страшно. Станувам малку нервозен“, тврди тој.

Покрај улогата во претставата, Клуни ќе работи и како косценарист. Претставата „Добра ноќ и среќа“ е адаптирана од истоимениот филм од 2005 година за Едвард Р. Мароу и неговата работа за време на ловот на вештерки на сенаторот Џозеф Мекарти.

„Забавниот дел од тоа е што можеме да направиме претстава за тема што навистина ни е блиску до срцето. Претставата зборува за апсолутната вистина“, рече Клуни.

„Добра ноќ и среќа“ ќе се прикажува на Бродвеј од 12 март до 8 јуни.