ЏО БАЈДЕН ГО НАПРАВИ ПРВИОТ ГОЛЕМ ПОТЕГ ВО ИЗРАЕЛ – Границата се отвара, хуманитарна помош за Појасот Газа ќе има

Израел ќе му дозволи на Египет да достави хуманитарна помош во Појасот Газа, објави кабинетот на премиерот Бенјамин Нетанјаху. Се вели дека одлуката е донесена во светло на барањето на претседателот на САД, Џо Бајден.

Храната, водата и лековите за цивилите ќе бидат дозволени од Египет да влезат во јужниот дел на Појасот Газа, се вели во соопштението на кабинетот на премиерот на Израел, но се истакнува дека Израел нема да дозволи никаква хуманитарна помош од неговата територија додека Хамас држи заложници.

Во него се додава дека ќе бидат „спречени“ сите испораки што стигнуваат до Хамас.

Претседателот на САД, Џо Бајден, претходно изјави дека побарал од израелската Влада да се согласи да испорача помош во Појасот Газа, врз основа на тоа дека ќе има инспекции и дека помошта ќе оди само за цивили.