12 загинати во тепачка со петли во Еквадор
Најмалку 12 лица се убиени во пукање на место за борби со петли во Еквадор, соопшти во петокот полицијата.
Локалните медиуми јавија дека неколку вооружени мажи, облечени во воени униформи, влегле на местото на настанот и почнале да пукаат кон присутните.
Нападот се случил во областа меѓу провинциите Манаби и Санто Доминго де лос Цачилас, изјави началникот на полицијата Ренан Милер Ривера.
#Boletín||
— Policía Ecuador (@PoliciaEcuador) April 19, 2025
Detalles de la captura de 4 sujetos, entre ellos un objetivo de intermedio valor, presuntos implicados en el hecho violento suscitado en una gallera en #Manabí.
📰Link: https://t.co/BvmHxIo6j9#PolicíaEcuador
Тој додаде дека има и повредени кои се пренесени во болници, но не наведе точна бројка.
Полицијата истражува дали ова кривично дело е поврзано со судири меѓу криминални групи, пишуваат медиумите .
Стапката на убиства во Еквадор се зголеми од 5,8 на 100.000 жители во 2017 година на 50,7 неодамна.
Во оваа некогаш релативно безбедна земја се шират моќни нарко банди. Неодамна реизбраниот претседател Даниел Нобоа прогласи вонредна состојба и распореди вооружени сили за борба против бандите.
