23 лица уапсени, 49 лица под истрага за доделување незаконски инвалидски пензии во Македонија

По повеќемесечната предистражна постапка спроведена во рамките на Основното јавно обвинителство за гонење организиран криминал и корупција, вчера, под раководство на предметниот јавен обвинител, Министерството за внатрешни работи спроведе акција во која беа извршени рации на повеќе локации во регионите на Скопје, Велес, Тетово и Гостивар. Во акцијата се приведени 23 лица, а едно лице не е достапно за органите на прогонот.

Од Обвинителството велат дека приведените се осомничени за низа кривични дела со кои е нанесена штета на државниот буџет.

Врз основа на кривичната пријава, дотичниот обвинител донел Наредба за спроведување истражна постапка против 49 лица.

Осомничените во текот на денешната постапка се изведени пред судија на претходна постапка во Основниот кривичен суд. Обвинителството, имајќи ги предвид кривичните дела сторени од секој осомничен поединечно, како и тежината на загрозените казни и исполнетоста на околностите за изрекување мерки за безбедност, предложи мерка притвор за 12 осомничени, додека на тројца осомничени им е одредена мерка куќен притвор, а за преостанатите мерка на претпазливост.