4 особини можат да откријат дека сте имале тешко детство
Детството за многумина е период на радост и невиност, но за некои деца може да биде многу поголем предизвик отколку што изгледа. Семејната и брачната советничка Тина Феј ги сподели клучните знаци кои може да укажуваат на тешкотии во раните години од животот. Препознавањето на овие знаци не е за наоѓање вина или фокусирање на минатото, туку за подобро разбирање како раните животни настани ја обликувале сегашноста.
1. Слаби или селективни сеќавања
Децата кои поминале низ тежок период често не паметат многу позитивни моменти од своето детство, тврди советничката.
„Нивните сеќавања претежно вклучуваат чувства на страв, стрес или непријатност, што може да укаже дека доживеале предизвикувачки околности. Мозокот често ги потиснува болните спомени за да ги заштити, но емоционалната рефлексија на овие искуства може да остане присутна и да го обликува нивниот поглед на животот. “, објасни таа за Hack Spirit.
2. Преземање на родителски улоги
Преземањето на улогата на родител, исто така познато како „родителство“, опишува грижа за помладите браќа и сестри, готвење оброци или обезбедување емоционална поддршка на семејството.
„Овие често се задачи што децата ги преземаа бидејќи возрасните не беа достапни. Иако овие искуства можат да развијат одговорност и емпатија, тие можат да им го одземат безгрижното детство и да создадат чувство на преоптоварување“, вели Феј.
3. Тешкотии во формирањето врски
Тешкото детство може да влијае на способноста на овие луѓе да градат и одржуваат здрави врски подоцна во животот. Раните искуства ја обликуваат довербата, приврзаноста и социјалните вештини. Ако овие деца доживеале недоверба или емоционална дистанца во детството, поголема е веројатноста дека ќе имаат потешкотии да формираат блиски односи како возрасни.
4. Прекумерна независност
Децата кои биле принудени сами да се снаоѓаат често растат во возрасни на кои им е тешко да побараат помош или да се потпрат на други.
,,Иако независноста може да биде вредна особина, таа понекогаш ја одразува потребата за опстанок, а не избор. Овие деца треба да научат дека потпирањето на другите понекогаш не само што е корисно, туку и неопходно. Со препознавање на овие знаци, можно е подобро да се разбере како предизвиците од детството ја обликуваа сегашноста и го отворија патот за емоционално исцелување“, заклучи советникот.