9 клучни намирници за здрав црн дроб! Тие се богати со витамини и минерали, но тоа е она што ги издвојува

За да го одржите вашиот црн дроб здрав, важно е да вклучите храна како цвекло, брокула, грејпфрут и некои други во вашата исхрана.

Несомнено е дека многу здравствени проблеми започнуваат поради несоодветната исхрана . Недоволното внесување одредени намирници, а со тоа и витамини и минерали, може да има негативно влијание врз вашето здравје. 

Доколку сакате да ги спречите потенцијалните проблеми со црниот дроб или да се ослободите од постоечките, нутриционистката Наташа Алексиќ посочува дека треба да почнете да ги користите следниве намирници кои се истакнуваат по својот потенцијал за детоксикација:

– Цвеклото, брокулата, грејпфрутот, брусницата, боровинките, кромидот, лукот, црвената зелка и куркумата содржат хранливи материи и антиоксиданси кои можат да го поддржат целокупното здравје на црниот дроб – вели Наташа и открива зошто овие намирници се важни.

Цвеклото е богато со антиоксиданси, витамини и минерали, вклучувајќи го и бетаинот, кој ја поддржува детоксикацијата на црниот дроб.

Брокулата содржи и супстанции кои помагаат во детоксикација и ја поддржуваат функцијата на црниот дроб.

Грејпфрутот може да ги подобри ензимските процеси во црниот дроб и да помогне во елиминирање на токсините.

Брусницата и боровинките се богати со антиоксиданси кои го поддржуваат целокупното здравје на телото, вклучувајќи го и црниот дроб.

Кромидот и лукот содржат сулфурни соединенија кои можат да помогнат во детоксикација и намалување на воспалението.

Црвената зелка е извор на витамини Ц и К, како и антиоксиданси, кои можат да придонесат за здравјето на црниот дроб.

Куркумата , со својата позната активна состојка куркумин, има антиоксидантни и антиинфламаторни својства кои можат да бидат корисни за црниот дроб.