Apple оваа година би можел да претстави iPad Pro и MacBook Pro со M5 процесор

Новинарот на Блумберг, Марк Гурман, тврди дека на крајот на оваа година Apple би можел да претстави најмалку два уреди со својот претстоен процесор М5.

Гурман тврди дека iPad Pro со M5 процесорот е во завршна фаза на тестирање, што значи дека е на пат да започне со производство во втората половина на оваа година. Што се однесува до MacBook Pro со M5 процесорот, тој се очекува наесен, што е во склад со претставувањето на новите лаптопи на Apple во изминатите неколку години.

Овогодинешниот iPad Pro веројатно нема да биде генерацијата што ќе го прифати модемот на Apple. Гурман тврди дека транзицијата ќе се случи во 2027 година со пристигнувањето на моделите со процесорот М6, на кои компанијата од Купертино веќе почнала да работи.

Apple го претстави својот прв C1 модем кога iPhone 16e пристигна во февруари оваа година и досега се покажа доста добро.