IBM прави чип со вештачка интелигенција кој работи како човечкиот мозок
BM гради чип со вештачка интелигенција кој личи на човечкиот мозок, за кој се надева дека ќе биде енергетски поефикасен.
Прототип на чип „како мозок“ би можел да ја направи вештачката интелигенција енергетски поефикасна, според IBM, која го развива.
Бидејќи вештачката интелигенција е во интензивна фаза на развој, постоеше загриженост за емисиите од магацините во кои се сместени компјутерите што работат на системи со вештачка интелигенција. „IBM“ наведува дека овој прототип на чип со вештачка интелигенција би можел да биде поефикасен во однос на енергијата, особено кај паметните телефони.
Ефикасноста се заснова на компоненти кои функционираат на сличен начин како и човечкиот мозок .
„Во споредба со традиционалните компјутери, човечкиот мозок има способност да постигне исклучителни перформанси додека троши многу малку енергија. Исклучителната енергетска ефикасност би значела дека покомплексните и обемни операции се изведуваат во режим со помала потрошувачка на батерии“, рече Танос Василопулос. научник во лабораториите „IBM“ во Цирих.
Тој додава дека ваквите чипови би можеле да бидат корисни и за технологијата „облак“ и да овозможат намалување на потрошената енергија и јаглеродот.
Повеќето чипови се дигитални, што значи дека ги складираат информациите како единици и нули (1 и 0) . Но, новите чипови користат компоненти наречени мемристори ( мемориски отпорници ) кои се аналогни. За споредба, дигиталниот чип е како прекинувач за светло, а аналогниот чип е како прекинувач за затемнување.
Човечкиот мозок е аналоген, а мемисторите функционираат на сличен начин како и синапсите во мозокот.
„Тоа е технологија инспирирана од природата, која го имитира начинот на кој работи мозокот. Мемристорот може да ја запомни својата електрична историја, а поврзаните мемристори можат да формираат мрежа што наликува на биолошки мозок“, вели професорот Феранте Нери од Универзитетот во Сари.
Тој беше внимателен оптимист за развојот на таков компјутер. Ќе има цела низа предизвици, вклучувајќи ги материјалните трошоци и производствените тешкотии .
IBM се надева дека чиповите со вештачка интелигенција во паметните телефони и автомобилите ќе бидат поефикасни во иднина, со подолг век на траење на батеријата и нови апликации. Не се работи само за енергетска ефикасност, туку и за потрошувачка на вода, бидејќи големите системи за податоци бараат посложени системи за ладење.
