Mинистерот за одбрана на САД Остин: Тенковите Абрамс наскоро пристигнуваат во Украина
– Американскиот министер за одбрана, Лојд Остин, денес изјави дека Украина наскоро ќе ги добие борбените тенкови Абрамс.
„Заедно ѝ носиме на Украина тоа што ѝ треба кога ѝ е потребно. Заедно на Украина ѝ ја даваме безбедносната помош што ѝ е потребна за нејзината непосредна контраофанзива“, рече Остин на состанокот на високо ниво на сојузниците и партнерите на НАТО во воздухопловната база Рамштајн во Германија.
Тој рече дека досега САД и нивните сојузници обезбедиле повеќе од 76 милијарди долари директна безбедносна помош за одбраната на Украина и вети дека ќе ја засилат својата воена поддршка.
„Исто така, со задоволство можам да објавам дека тенковите М1 Абрамс, на кои претходно се обврзаа САД, наскоро ќе влезат во Украина“, рече Остин.
На состанокот на Контакт групата за одбрана на Украина присуствуваат околу 50 министри за одбрана и високи функционери, вклучително и новиот украински министер за одбрана, Рустем Умеров.
