Mир, мир, само мир…

Варшава и Киев објавија дека постигнале договор за транзит на жито што ја вклучува Литванија, за прв пат од септември, кога Полска го забрани нејзиниот увоз.

„Постигнавме договор за важно прашање“, изјави за новинарите полскиот министер за земјоделство Роберт Телус по трипартитната средба преку Интернет, пренесува Индекс.

„Од утре, контролите што требаше да се извршат на украинско-полската граница за жито што минува низ Литванија ќе се вршат на територијата на Литванија, во литванското пристаниште. Литванија ја презема целата одговорност за овие инспекции“, рече тој.

Телус рече дека Полска ќе продолжи да ги отвора транзитните коридори „бидејќи тоа е добро за полските земјоделци, за Украина, за Европската унија и за целиот свет, бидејќи украинското жито треба да се испрати во региони кои немаат доволно“.

Ова е прв договор меѓу Полска и Украина од почетокот на дипломатската криза предизвикана од полското ембарго за увоз на украинско жито.

Варшава го воведе затоа што сака да го заштити својот пазар и земјоделците од падот на цените на нивните производи. Дозволен е транзит на украинско жито низ Полска во други земји. Според украинското Министерство за земјоделство, одлуката донесена во вторник „ќе овозможи забрзување на транзитот низ Полска“.