Nike во големи проблеми поради царините на Трамп, ќе мора да плати 1 милијарда долари дополнителни трошоци

Компанијата „Nike“ даде предвидувања дека ќе мора да плати милијарда долари дополнителни трошоци поради царините на Трамп.

Главниот финансиски директор на „Најк“, Метју Френд, рече дека царините претставуваат нов и значаен удар врз трошоците.

„Иако Кина останува важна за нашата глобална база на добавувачи, компанијата го намалува увозот на обувки во Соединетите Држави од околу 16% на висок едноцифрен опсег до крајот на фискалната 2026 година, со пратки што доаѓаат од други земји“, рече тој.

Влијанието на царините и падот на потрошувачката беше особено изразено врз нето добивката на компанијата за четвртиот квартал, која се намали за 86 проценти на 211 милиони долари, што е остар пад во споредба со 1,5 милијарди долари пријавени една година претходно.

И покрај падот, извршниот директор Елиот Хил изјави дека е оптимист во врска со своите планови за пресврт и дека е време да сврти нов лист.

„Најк планира агресивно да ја намали големината на три многу важни франшизи, вклучувајќи ги своите брендови „Ер Форс 1“, „Данк“ и „Ер Џордан“, рече тој.