Во сегментот понудата е сè послаба, барем кога се во прашање класичните седани и каравани. Сепак, некои играчи остануваат, барем додека SUV-манијата целосно не го зафати светот. Еден од нив е 508, моделот со кој Peugeot ја отвори една од најуспешните дизајнерски приказни.
![](https://kajgana.com/sites/default/files/styles/article_image_xxl/public/2023-02/41bad89f-7738-4dfb-aa00-3576cfc5a949.jpg?itok=4oEKVZUw)
Автомобилот сега е редизајниран, пред сè напред, каде што новиот преден дел вклучува потенки светла во LED технологија, како и маска која сега незабележливо се вклопува во пределот на браникот.
Се разбира, новото лого на брендот со значителни димензии го зазема централното место. Да ги споменеме и дневните LED светла, кои сега се состојат од три паралелни светлосни елементи.
Назад промените се помалку забележливи. Новата графика и буквите на брендот наместо амблемите се единствените забележливи новитети. Внатре, очекувано, најголемата иновација доаѓа од областа на рачката на менувачот. Заменета е со мал прекинувач, како на помалите 208 и 2008.
![](https://kajgana.com/sites/default/files/styles/article_image_xxl/public/2023-02/1de16c2f-8d31-4aea-873c-42489d0ebba2.jpg?itok=dPgSUkqw)
Ќе го забележите и 10-инчниот централен екран, кој сега нуди и over-air освежување. Нови се и режимите на прикажување на дигиталниот кокпит.
Најголемата новост е што 508 не го добива новиот 1.2 благ хибрид со 136 КС под хаубата, кој штотуку доби место кај 3008 и 5008 и кој во просек носи до 15% помала потрошувачка на гориво. Така, стариот 1.2 трицилиндричен со 130 КС и понатаму е почеток на понудата, како и 1.5-дизелот со иста моќ во дизелската понуда.
Но, сега се нудат дури три plug-in хибриди. На патот до спортистот на PSE, има стари пријатели со 180 и 225 КС и батерии од 12,4 kWh. PSE остана ист, што значи 360 КС и батерија која се полни за 100 минути преку полнач од 7,4 kW.
Моделот ќе се произведува во француските погони во Мулхаус.
![](https://kajgana.com/sites/default/files/styles/article_image_xxl/public/2023-02/61ef24d5-d905-4b85-a6f6-aba4d19d4613.jpg?itok=ytJ4B5GP)
![](https://kajgana.com/sites/default/files/styles/article_image_xxl/public/2023-02/e1a0e8f1-c625-4c9f-9db0-88419326983b.jpg?itok=wg9q5Hsi)
![](https://kajgana.com/sites/default/files/styles/article_image_xxl/public/2023-02/ae29b0f7-9cfe-44a3-b946-fd4ddeeef2ac.jpg?itok=wvllcJRg)
![](https://kajgana.com/sites/default/files/styles/article_image_xxl/public/2023-02/5da5cdd0-0649-49b2-a0f7-5a6f4c45ab13.jpg?itok=0VWlZGXJ)
![](https://kajgana.com/sites/default/files/styles/article_image_xxl/public/2023-02/5da5cdd0-0649-49b2-a0f7-5a6f4c45ab13.jpg?itok=0VWlZGXJ)
![](https://kajgana.com/sites/default/files/styles/article_image_xxl/public/2023-02/acf7935b-b9d1-4da1-938c-424e8824ae45.jpg?itok=AB_tftoa)