X се согласува да плати 10 милиони долари на Доналд Трамп за суспендирање на неговата сметка на оваа социјална мрежа
Компанијата Х, порано Твитер, која е во сопственост наИлон Маск се согласил да плати отштета од околу 10 милиони долари на поранешниот претседател Доналд Трамп како дел од спогодбата за суспензијата на неговата сметка во 2021 година, дознава Волстрит џурнал.
Ова е втора голема финансиска победа за Трамп по ред , откако компанијата Мета неодамна се согласи да плати отштета од 25 милиони долари, од кои значителен дел ќе биде наменет за изградба на претседателската библиотека на Трамп.
Тужбата против мрежата X првично беше отфрлена од судија во 2022 година, но адвокатите на Трамп поднесоа жалба на таа одлука.
Трамп ги тужеше Твитер, Мета и Јутјуб откако овие платформи му забранија пристап до платформата по немирите на 6 јануари 2021 година , тврдејќи дека суспензиите ги прекршиле неговите права од Првиот амандман.
Маск инвестираше 250 милиони долари во кампањата на Трамп
Она што е особено интересно е дека спогодбата дојде и покрај блиските врски меѓу Илон Маск и Доналд Трамп . Маск не само што ја врати сметката на Трамп на платформата X веднаш по преземањето на компанијата во 2022 година, туку и инвестираше најмалку 250 милиони долари во кампањата на Трамп во 2024 година.
Гугл следен на ред: Трамп бара нова отштета од милион долари
Според Вол Стрит Журнал, правниот тим на Трамп планира да бара спогодба и со Гугл , што би заокружила серија тужби против големите технолошки компании поради суспензијата на неговите сметки.
