ВИДЕО | ТОЈ Е ВИСТИНСКА ЅВЕЗДА – Принцот Луис го украде шоуто на крунисувањето на дедо му, му беше малку досадно па мавташе насекаде, се проѕеваше и беше нервозен

0

Принцот Луис, синот на принцот Вилијам и Кејт Мидлтон, беше забележан како им мавта на кралските обожаватели додека пристигнуваше за крунисувањето на својот дедо, кралот Чарлс III.

Младиот принц, кој неодамна наполни пет години, ги украде срцата на луѓето додека патуваше на историскиот настан во кочија со принцот и принцезата од Велс и неговиот брат и сестра.

Минатата година, на платинестиот јубилеј на неговата прабаба, кралицата Елизабета II, Луис ја забавуваше толпата кога се појави на балконот на Бакингемската палата и правеше „глупави“ и смешни фаци додека траеше настанот.

Денес, Луис седи во првиот ред на опатијата со својот брат, принцот Џорџ и сестрата, принцезата Шарлот, како и нивните родители. Тој морал да чека надвор од опатијата пред да влезе во Вестминстерската опатија, а се чини дека му било малку досадно и бил забележан како се проѕева.

Принцот Луис

Шарлот, која оваа недела наполни осум години, носеше тиара која одговараше на нејзината мајка. Принцот Џорџ, идниот крал, ја добил улогата на момче на церемонијата на крунисувањето.

принцезата Шарлот и принцот Луис