Вицепремиерот задолжен за економски прашања, координација на економските ресори и инвестиции Фатмир Битиќи утрово на граничниот премин „Блаце“ ја пречека претседателката на Република Косово, Вјоса Османи – Садриу, која престојува во дводневна посета на Република Северна Македонија, изразувајќи надеж дека оваа посета уште повеќе ќе ги зајакне одличните односи помеѓу двете земји, и ќе даде позитивен импулс за натамошен развој и интензивирање на севкупната соработка.
Како што информираат од владината прес-служба, вицепремиерот Битиќи беше придружуван од амбасадорката на Северна Македонија во Косово, Шпреса Јусуфи, од амбасадорот Гоце Карајанов, посебен советник на претседателот Пендаровски за надворешна политика, и амбасадорот Кенан Рамадани, директор на Директоратот за протокол при Министерството за надворешни работи.
![](https://mia.mk/articles/images/%D0%B2%D0%B8%D1%86%D0%B5%D0%BF%D1%80%D0%B5%D0%BC%D0%B8%D0%B5%D1%80%D0%BE%D1%82%D0%B1%D0%B8%D1%82%D0%B8%D1%9C%D0%B8%D1%98%D0%B0%D0%BF%D1%80%D0%B5%D1%87%D0%B5%D0%BA%D0%B0%D0%BA%D0%BE%D1%81%D0%BE%D0%B2%D1%81%D0%BA%D0%B0%D1%82%D0%B0%D0%BF%D1%80%D0%B5%D1%82%D1%81%D0%B5%D0%B4%D0%B0%D1%82%D0%B5%D0%BB%D0%BA%D0%B0%D0%BE%D1%81%D0%BC%D0%B0%D0%BD%D0%B8%D0%BD%D0%B0%D0%B3%D1%80%D0%B0ffGb2/7nkUzhEDI/large.webp?use_watermark=1)
Вицепремиерот Битиќи е дел од делегацијата на претседателот на државата Стево Пендаровски кој е домаќин на претседателката Османи-Садриу и ќе учествува на пленарниот состанок на делегациите на Северна Македонија и на Косово, по што е предвидена и заедничка прес – конференција на претседателите на двете држави.
Во рамки на посетата, во црквата „Св. Спас“ во Скопје, Пендаровски и Османи-Садриу ќе положат венци на гробот на Гоце Делчев, по што претседателка Вјоса Османи-Садриу ќе оствари средби и со претседателот на Собранието Талат Џафери, премиерот Димитар Ковачевски и ќе се обрати на свечена седница во Собранието на Република Северна Македонија.