Володимир Зеленски распали по Русија: “Владимир Путин нема да ги преживее следните 10 години! Зошто ? Само споредете ги овие два случаи…“
„Владимир Путин нема да ги преживее следните 10 години“, изјави претседателот на Украина, Володимир Зеленски, во интервју за бразилската телевизија TV Globo.
Володимир Зеленски ја отфрли можноста војната во Украина, како и онаа во Сирија, да трае 30 години.
„Тој не може. Владимир Путин нема да живее толку долго. Споредете ги Сирија и Украина. Тој не се бореше во Сирија со темпото што се бори со нас. Затоа нема да преживее 30 години. Тој нема да постои, тој ќе умре“, изјавил украинскиот претседател кој предвидува дека ослабениот Владимир Путин, кој на 7. октомври ќе наполни 71 година, нема да доживее 80 години.
Володимир Зеленски вели дека руските војници „длабоко во своето битие“ знаат дека не можат да ја победат Украина и дека планот на Владимир Путин да ја потчини ќе пропадне. „Се што покажуваат на бојното поле покажува дека Русија не е способна да ја окупира цела Украина и да не уништи“, тврди украинскиот претседател и додава: „На почетокот тие можеа да го направат тоа. Мислеа дека ќе го направат тоа. Но, ние направивме нешто во земјата и во странство за да станеме посилни од нив“.
Претседателот на Украина кажува дека тој и неговата генерација ќе одолеат на сите обиди на Русија да се прегрупира и да ја победи Украина. „Сè додека живееме, нема да дозволиме да станат силни како што беа“, вели Володимир Зеленски.
Тој додаде дека војната во Сирија е трагедија, но дека руската инвазија на Украина е пообемна. „Не мислам дека светот се обедини околу сириската трагедија. Мислам дека тоа беше грешка. Секогаш е грешка кога светот мисли дека војната е некаде далеку. Мислам дека ова не е за моето херојство или дека јас ги обединив земјите кои ни помагаат. Мислам дека тоа го направија сите луѓе во нашата земја кои направија нешто важно во овој важен момент. Ова е и желба и случајност. Нашата заложба е апсолутна – слобода или смрт“, нагласува претседателот на Украина.
Се очекува Володимир Зеленски да отпатува на седницата на Генералното собрание на Обединетите нации што ќе се одржи на 5. септември и таму да агитира за неговата „формула за мир“ во неговата земја.
Опсежниот мировен план на Володимир Зеленски содржи десет точки, меѓу кои се обновување на територијата на Украина, повлекување на руските трупи од целата земја и специјален суд за гонење на руските воени злосторства. Неговиот план вклучува и мерки за гарантирање на нуклеарната безбедност, обезбедување извоз на украинско жито, ослободување на сите воени заробеници, спречување екоциди и идни конфликти и потврдување на крајот на војната со потпишан документ.
