Дејан возел 6 км во спротивна насока: Долж автопатотот се гледаат траги од кочење, а сите се прашуваат само едно (видео)

Цел Балкан беше шокиран од вчерашната сообраќајна несреќа кога автомобилот со кој управувал Дејан Ј.(51) се судрил со друг автомобил и се запалил. Работата да биде поголема, несреќата се случила затоа што Дејан возел „пунто“ на брзата лента во спротивен правец!

Дејан не можел да се спаси, а Н.К. (40), кој бил на совозачкото седиште, по незгодата бил пренесен на одделението за реанимација во Ургентниот центар.

Д.П. (30), кој управувал со автомобилот „хјундаи“ во кој удрил Дејан, во свесна состојба бил пренесен во КБЦ Земун.

Траги од кочење долги 1 км

Кога протече грозоморното видео од несреќата, сите се запрашаа едно – како се случи ова?

Така се поставува логичното прашање дали: Дејан воопшто знаел што прави и ако знаел, зошто го правел тоа?

Од местото кај Сурчин, каде Дејан можеше да влезе на спротивната лента на автопатот, до местото на несреќата на висината на Јаков, измерени се точно шест километри!

Како што се испоставува, траги од кочење се гледаат речиси по целата должина на тој потег, а веројатно и луѓе кои во чудење и страв само се обидувале да си го спасат животот од лудиот возач.

Според искусните возачи, не е можно случајно да свртел во спротивна насока, туку намерно да направил прекршок.

Да потсетиме, до несреќата дошло кога автомобил „фиат пунто“ управуван од Дејан Ј.(53), додека Н.К.(40) бил на совозачкото седиште, влегол во спротивен правец на автопатот и излетал на брзата лента.

Во еден момент „фиатот“ директно удрил во автомобилот „хјундаи“ кој го управувал Д.П.(30). По ударот „пунтото“ се запалило, а возачот загинал.

Во незгодата со повреди се здобиле Н.К и Д.П., кои се пренесени во КБЦ Земун.

Истрагата допрва треба да утврди како Дејан Ј. влегол во погрешен правец на автопатот кај Обреновац.