Идеални кучиња за зафатени луѓе! Можат долго да останат сами и не се многу напорни

Ако сте цел ден на работа, најдобро е да изберете една од неколкуте раси на кучиња кои се прилагодуваат – тие ќе знаат да ве поздрават со многу среќа и љубов кога ќе се вратите дома уморни.

Ако сте цел ден на работа и барате  куче  кое може да се прилагоди на тој начин на живот, најдобри раси се оние кои се независни, помалку бараат во поглед на внимание и енергија, но сепак среќни да поминуваат време со вас.

Ова се некои од расите кои можат доста долго да го издржат отсуството на нивниот сопственик, но кога се со вас, погрижете се да им обрнете внимание и да им покажете колку ви значат.

Басенџи

Басенџи  е познато и како куче што не лае.  Тој е многу независен и не страда од анксиозност кога ќе остане сам. Освен тоа, не бараат посебна нега и услови, а бидејќи имаат кратка коса, не опаѓаат многу.

Ова куче е многу енергично, затоа погрижете се да го извадите надвор кога ќе се вратите од работа и да му дозволите да ја изгори таа енергија преку играње и трчање, а исто така ќе уживате да се ослободите од насобраниот стрес.

Француски булдог

Ова куче има мала потреба за вежбање , исто како и неговиот англиски булдог братучед.

Многу приврзан за сопственикот, но може да помине одредено време сам. Лесно се прилагодува на условите и животот во стан и помали простори. Не бара многу четкање.

Шар Пеи 

Шарпеи е мирен, тивок и не бара многу внимание. Тој нема да прави никакви проблеми дури и ако поминува многу време без вас во станот, па затоа е одличен избор за луѓето кои работат во осумчасовни смени и се далеку од дома добар дел од денот.

Може да помине долги временски периоди сам без стрес. Лесно се тренира и не е хиперактивен. Му треба минимална физичка активност.

Чау чау 

Ова куче е многу независно и воздржано.

Не е претерано врзан за луѓето, па полесно ја поднесува осаменоста. Има средна потреба од активност. Сепак, неговиот дебел слој бара редовно четкање.

Мопс 

Мопсот е раса која многу лесно се прилагодува на станбениот живот. Има многу мала потреба од физичка активност. Прилично мрзелив и сака да спие додека сте отсутни.

Може да развие анксиозност ако премногу го игнорираат, па затоа му треба некаква интеракција после работа.

 Greyhound 

Спротивно на очекувањата, овие кучиња воопшто не се хиперактивни – всушност, сакаат да спијат поголем дел од денот.

Тие се многу тивки и мирни, што е добро за станбено живеење. Бидејќи имаат кратка коса, не бараат многу грижа. Сепак, секојдневно им треба кратка прошетка, но не многу повеќе од тоа.