Путин и Алиев во Душанбе: Обид за ресетирање на односите меѓу Москва и Баку

Ова ќе биде нивниот прв директен разговор откако односите меѓу Москва и Баку почнаа да се заладуваат.

Алиев отпатува во Душанбе по повод седницата на Советот на шефови на држави на Заедницата на независни држави (ЗНД). Според најавите, за време на форумот ќе се одржи и билатерална средба со Путин.

-На меѓународниот аеродром во Душанбе беше формирана почесна гарда во чест на шефот на државата, објави агенцијата, нагласувајќи дека Алиев бил пречекан со највисоки државни почести.

Портпаролот на Кремљ, Дмитриј Песков, вчера ја објави средбата на двајцата лидери, нагласувајќи дека разговорите ќе се фокусираат на „чувствителни прашања во билатералните односи и регионалната безбедност“.

Заладувањето на односите меѓу Москва и Баку започна кон крајот на 2024 година, по падот на авионот на „Азербејџан ерлајнс“ во Казахстан, во кој загинаа десетици луѓе. Москва и Баку потоа се обвинија меѓусебно за недостаток на координација во истрагата на инцидентот, што доведе до тензии во комуникацијата на највисоко ниво.

Се очекува средбата меѓу Путин и Алиев во Душанбе да биде обид за ресетирање на односите и обновување на политичкиот дијалог меѓу двете земји, кои, и покрај нивните разлики, остануваат клучни играчи во регионот на Јужен Кавказ.