Работела на милионерски јахти, па доживеала ужас: Едвај избегала, а сега открива темни тајни
Моделот Сара Харис работеше на милионерски јахти, а трауматично искуство ѝ го промени животот. Оттогаш, таа не размислувала за ваков вид работа, а сега откри што се крие зад гламурот.
За многумина, дружењето со богатите и славните на луксузни јахти изгледа како сон што се остварува. Се поминува на ексклузивни забави вредни милиони, а работата изгледа примамливо. Сепак, зад сјајот често се крие застрашувачка и непредвидлива реалност, пишува LadBible .
Жените кои работат како таканаречени „ девојки од јахта“ обично се модели или оние кои сакаат да се пробијат во светот на забавата. Тие го гледаат „јахтирањето“ како можност да се поврзат со најбогатите луѓе во светот. Според Кармен Фирнлеј, сопственичка на компанија за изнајмување јахти во Дубаи, овие девојки заработуваат помеѓу 100 и 250 евра за само четири часа работа, додека цените за изнајмување јахти варираат од 100 до дури 5.500 евра на час.
Нејасна линија помеѓу работата и експлоатацијата
Сепак, линијата помеѓу работата и експлоатацијата често е нејасна. Анонимен богат човек изјави за „Холивуд репортер“ дека линијата е „многу тенка“ кога станува збор за очекувањата од девојките. Многу жени сведочеа и за трауматски искуства.
Моделот Сара Харис од Бирмингем раскажа како била сексуално нападната на јахта од пијан крипто милионер , и дека немала излез од ситуацијата. Сè започнало кога колешка од снимањето ѝ раскажала за животот на „јахт девојка“.
– Ми се јави да ми раскаже како таа и уште две познати манекенки оделе на работа со плата од околу 650 евра за пет часа работа. Тоа беше забава на познат диџеј. Возбудено ми рече: „Сè што треба да направиме е да разговараме со гостите, да танцуваме, да се дружиме и да позираме во бикини. Нашата задача е да внесеме гламур.“ – рече Сара.
Сè изгледаше одлично сè додека еден ден, во 2022 година, не се случи инцидент на бродот.
– Беа 12 девојки и шест мажи, а ми беа понудени 1.300 евра за пет часа работа. Во солзи, успеав да се одбранам со помош на мојата пријателка, а потоа побаравме од организаторите да нè вратат на брегот со глисер. Тој настан ја одврати од таква работа засекогаш. Се заколнав дека оттогаш ќе се држам настрана од платени забави. Постои темна страна на ваквите настани, особено во Европа – рече младата девојка.
Различни искуства
Сепак, не сите искуства се негативни. Моделот Пипа Тејлор вели дека на почетокот ѝ било јасно дека работата не е за ескорт, туку дека нејзина работа е да „донесе гламур на забавата“. Таа имала правило дека прави само дневни забави и никогаш не прифаќала покани за преспивање, за да не испрати погрешни сигнали.
– Генерално, имав одлично искуство и заработив добри пари, но секогаш бев внимателна. Решив да си заминам додека сè беше под контрола – признава Пипа.
Иако на прв поглед изгледа како работа од соништата, животот на луксузни јахти ја крие и својата темна страна, каде што линијата помеѓу гламурот и опасноста е често многу тенка.
