Се преврте едрилица во Охридското Езеро, полицијата спаси три лица

0

Полицијата за граничен надзор „Охридско Езеро“ денеска интервенираше за спасување при настанатата ситуација со поплавување на едрилица во водите на езерото.

Интервенцијата продолжила откако претходно околу 17:45 часот на СВР Охрид било пријавено дека во водите на Охридското Езеро е поплавен пловечки објект.

Околу 18 часот пловечкиот објект бил пронајден на два километри од брегот и потврдено е дека се работи за поплавување на едрилица во која имало три лица.

Како што информираше портпаролот на СВР – Охрид, Стефан Димовски, лицата на возраст од 53, 50 и 49 години, сите од Скопје, се затекнати во добра здравствена состојба, без повреди, а според нивните сведочења, причина за несреќата е силниот ветер.

Екипите на езерската полиција го вратија поплавениот чамец во плутачка состојба, а луѓето беа испратени во сместувачкиот објект.