ФОТО | Саудиска Арабија годинава ја испраќа својата прва претставничка на Мис Универзум
Како што пренесуваат странските медиуми, ова ќе биде првпат исламска земја да учествува на ваков настан. Во овој поглед, тие ја избраа моделот Руми Алкахтани. На овој начин Саудиска Арабија го „скрши“ конзервативниот начин на размислување.
Руми Алкахтани се огласи на Инстаграм за да ја сподели веста дека ќе учествува на меѓународен избор за убавина. На фотографиите се гледа како го држи знамето на Саудиска Арабија, а во објавата напишала дека ова е прв пат Саудиска Арабија да се натпреварува на изборот за Мис Универзум.
Таа е популарна 27-годишна манекенка за убавина и инфлуенсерка, која на Инстаграм ја следат повеќе од милион луѓе. Таа претходно се натпреваруваше на голем број избори за убавина, меѓу кои и Мис и г-ѓа Глобал Азијан во Малезија, кои се одржаа пред неколку недели.
Инаку, во Саудиска Арабија во моментов се случува трансформација под водство на 38-годишниот престолонаследник Мохамед бин Салман. Во последните месеци, Саудиска Арабија забележа олеснување на строгите ограничувања и со тоа го привлече вниманието на целиот свет.
