Шакира започнува нов живот со децата во Мајами: Погледнете како изгледа замокот вреден повеќе од 17 милиони долари (ФОТО)
Големата колумбиска ѕвезда Шакира конечно започна нов живот со децата по разделбата со долгогодишниот партнер Жерард Пике.
Оваа недела колумбиската пејачка замина во Америка и со семејството се всели во прекрасна нова куќа која се наоѓа во еден од најлуксузните делови на Мајами.
Според пишувањата на некои медиуми, ненадејната преселба на колумбиската пејачка во Соединетите Американски Држави можеби е поради тоа што била иселена од куќата во која живеела во Барселона, откако на 13 март добила писмо во кое барала да ја напушти куќата пред 30 април.
Новинарите Лаура Фа и Лорена Васкез од ,,Mamaracia” објавија дека куќата е на име на BCN TVO&TVO SL, компанија во сопственост на Џон Пике, таткото на Жерард.
Иако имала рок до 30 април, пејачката одлучила да го искористи Велигден за да се пресели засекогаш во Мајами, пишува Larazon.es.
Освен тоа, Шакира конечно би можела да го испланира ова долго патување, бидејќи нејзиниот татко Вилијам Мебарак е во подобра здравствена состојба, додека Милан и Саша ќе започнат со настава во нивното ново училиште во САД на 11 април.
Како што пренесуваат странските медиуми, Шакира купила луксузен имот лоциран во една од најексклузивните области на Мајами уште во 2001 водина и моментално се проценува дека вреди повеќе од 17,5 милиони долари.
Пејачката пред извесно време размислуваше да го продаде, но по раскинувањето со поранешниот фудбалер го виде идеално место за почеток на нов живот.
Според шпанскиот La Razon, вилата е во бела боја и минималистички стил, има два ката и 750 квадратни метри, сопствен приватен пристаниште и спектакуларен поглед на морето.
Има и голем надворешен базен во градината.
Резиденцијата има 6 спални соби, 7 бањи и голема дневна соба, едната со ориентален декор, а другата со билијард.
Има и приватна теретана со одлично осветлување. Вкупниот имот опфаќа повеќе од 2.000 квадратни метри.
Покрај тоа, Шакира ќе ги има за соседи Рики Мартин, Џенифер Лопез и Иванка Трамп и многу други познати личности.
