ШЕСТИ ДЕН НИТУ ТРАГА НИТУ ГЛАС ОД ВАЊА ЃОРЧЕВСКА – На Интернет кружат разни теории на заговор, а Оливер Спасовски открива нови детали

0

Во Македонија веќе шести ден главна тема е исчезнувањето на 14-годишната Вања Ѓорчевска која во понеделникот (27. ноември) во Скопје мистериозно исчезна на пат кон училиште.

Во јавноста овие шест ден се појавуваат низа дезинформации за случајот, а дел од овие дезинформации беа споделени и од угледни медиуми кои подоцна мораа сами да се демантираат. Така, претходниот ден на прес-конференција пред СВР Скопје, министерот за внатрешни работи, Оливер Спасовски, даде прецизни и најнови информации за случајот што ја потресе не само Македонија туку и регионот.

Од понеделникот, кога и исчезна Вања Ѓорчевска во јавноста се огласува само нејзината мајка, а токму тоа беше тема на пишување на многумина односно „молкот“ на нејзиниот татко. Поради ова на социјалните мрежи кружеа разни теории за заговор, но министерот Оливер Спасовски на прес-конференција откри детали за случајот кои ставија точка на овие пишувања.

Таткото на Вања Ѓорчевска, која исчезна на 27. ноември, случајот го пријавил во полиција истиот ден“, соопшти министерот за внатрешни работи.

Исчезнувањето го пријавил во 11 часот. Вања Ѓорчевска излегла од станот околу седум и пол часот наутро и се упатила кон училиште“, изјави Оливер Спасовски.

Оливер Спасовски во Собранието повтори дека МВР интензивно работи на расветлување на случајот со исчезнувањето на девојчето од Скопје.

Министерот децидно порача дека нема апсолутно никаква потврда дека Вања Ѓорчевска е исчезната пред два популарни ресторани во Скопје.

Значи, не е така. Ниту, пак, постои начин да го потврдиме тоа врз основа на преземеното од камерите. Ќе продолжиме да преземаме интензивни активности, не само на подрачјето на Центарот, туку и во Карпош, Ѓорѓе Петров, Битпазар“, порача Оливер Спасовски.

Преземени и прегледани се повеќе од 50 снимки од безбедносни камери, а добиени се и податоци од телекомуникациските оператори.

Оливер Спасовски додава дека биле испрашани десетици лица од кои се земени податоци и информации во врска со целиот овој настан.

Интерпол распиша меѓународна потерница за исчезнувањето на девојчето. Оливер Спасовски најави и дека до 10. декември ќе се активира системот за препознавање лица.