„ЌЕ ЧЕКАМЕ ДО ПОЛНОЌ НА ГРАНИЦА“ Доколку денеска се враќате од Грција, ве очекува пекол: Колони долги 5 километри, ни крајот не им се гледа (ФОТО)

Хаосот на граничните премини продолжува и денеска. Најголеми гужви моментално има на излезот од Грција, а туристите пријавуваат дека чекаат со часови, а крајот на редиците никаде не се гледа.

Голема толпа се создаде попладнево на излез од Грција, на граничниот премин Евзони. Туристите тврдат дека колоната е долга 5 километри, и не и се гледа крајот.

„Евзони на излезот од Грција кон Македонија. Границата на колоната од 5 километри не се гледа во 15 часот и 30 минути. Овде ќе чекаме до полноќ“, стои во објавата на еден турист.

Други споделија фотографии од нивната позиција на граничниот премин кон Македонија. Иако се наоѓаат во средината на колоната, границата не се гледа.

„Јас сум во средината, но границата не се гледа. Толпата почнува со патарината“, пишува во една објава.
Хаос и на алтернативните премини

Ништо подобра не е состојбата и на алтернативните премини на враќање од Грција, а долга колона се направи и кај Дојран до центарот на градот.

Да потсетиме, гужвите на влез и излез од Грција се засилени во последната недела, поради таканаречената „туристичка смена“ што се случува последниот викенд од јули и првиот викенд од август.

За доцнењата придонесе и продолжениот викенд во Македонија поради државниот празник, кој завршува денеска. Се претпоставува дека повеќето Македонци денеска се враќаат дома од соседна Грција.
Каква е ситуацијата на излезот од Србија?

Во Прешево за излез од Србија се чека околу еден час, додека за влез се чека околу 30 минути.

На Градина се чека половина час за излез од Србија, а истото време и за влез.

Излезот од Србија кај Хоргош трае еден час, додека за влез половина час.

Кај Батровци доцнењето е 30 минути во двата правци.