Автомобил „Тесла“ експлодирал пред хотелот на Трамп во Лас Вегас

Автомобил од марката „Тесла“ експлодирал пред хотелот на новоизбраниот претседател Доналд Трамп во Лас Вегас.

Како што пренесуваат американските медиуми, полицијата брзо реагирала и го затворила булеварот лоциран во центарот на Лас Вегас. На местото на настанот излегле и бројни противпожарни единици.

Официјални лица од полиција во Лас Вегас и противпожарната служба на округот Кларк на прес-конференција соопштија дека едно лице загинало во возилото и дека работеле на извлекување на телото.

Други седум лица кои биле во близина се здобиле со полесни повреди и се пренесени на лекување во болница. Не е наведена причината за пожарот, ниту пак има детали.