Ако ја имате инсталирано оваа апликација, веднаш избришете ја – ВЕ СНИМА(АТ)
Словачки експерти од безбедносната компанија ESET ги предупредија корисниците дека апликацијата за снимање екран, која инаку ги помина сите безбедносни проверки на Google, со нејзиното ажурирање стана една од оние што не ги сакате на вашиот уред.
Апликација за снимање екран на Android, наречена iRecorder Screen Recorder, се појави во Google Store како уште една во низата со оваа намена, но речиси една година откако беше објавена, со ажурирањето и надоградбата стана (една од) исклучително опасна за корисниците, објави Б92.
Првпат се појави во септември 2021 година, но по ажурирањето следниот август, почна да снима по една минута аудио на секои 15 минути и да ги пренесува тие снимки преку шифрирана врска со серверот на развојниот програмер. Целиот инцидент беше документиран во блог пост од Лукас Стефанко, експерт во компанијата Essential Security against Evolving Threats (ESET).
Стефанко во објавата рече дека апликацијата била ажурирана во август 2022 година за да вклучи злонамерен код „заснован на отворен код AhMyth Android RAT Trojan (Тројан за далечински пристап)“, пишува Trotal.hr
Апликацијата имала дури 50.000 преземања до моментот на известувањето и била отстранета од Play Store. Стефанко додаде дека апликациите со вграден AhMyth претходно ги поминувале филтрите на Google.
Оние кои се обидуваат на некој начин да ве измамат, да ви ги украдат личните податоци итн. тие не се нови ниту во продавниците на Apple ниту на Google, а снимањето може да биде особено опасно – понекогаш имаат предаторски цени на претплати и голем број лажни рецензии за да се зголеми нивната видливост на тие платформи.
Во објавата на блогот, Стефанко укажува на проблемот со таквите совршено легитимни апликации кои, откако ќе ги користите некое време, користејќи ги дозволите што им ги дадовте претходно, со надградбата стануваат злонамерни, исто како и iRecorder Screen Recorder.
Од Google велат дека работи на ажурирања кои преку месечни известувања ќе ви стават до знаење кои апликации и кога ги смениле своите практиките за споделување податоци, се разбира, под услов да ги откријат.
