Александар Вучиќ: “Сергеј Лавров ја кажа вистината – Запад ја измами Србија“
Претседателот на Србија, Александар Вучиќ, во Дубаи изјави дека министерот за надворешни работи на Руската Федерација, Сергеј Лавров на Министерскиот состанок на ОБСЕ во Скопје ја кажал вистината, односно дека – „Запад ја измами Србија по потпишувањето на Бриселскиот Договор“.
„Сергеј Лавров ги дефинираше тие работи со извонредна точност и прецизност“, изјави Александар Вучиќ за телевизија Pink.
На новинарско прашање како гледа на изјавата на Сергеј Лавров дека Србија не може да влезе во Европската унија и да отвори ново поглавје доколку не и воведе санкции на Русија, односно не се усогласи со надворешната политика на ЕУ, Александар Вучиќ кажа дека Сергеј Лавров зборувал и за многу поважни работи за Србија и за српскиот народ.
„За жал, ние Србите не сакаме да слушаме што велат другите, ниту кога доаѓа од Запад, ниту кога доаѓа од Исток. Би сакале да слушнеме ад хок негативно или позитивно мислење за политичарите што ги сакаме или не и тоа е се. Во суштина, Сергеј Лавров кажа се вистинито. Зборуваше за многу важни работи за Србија и како тоа функционираше од 2013 година и како ја измамија нашата земја по Бриселскиот договор. За да се постигне нешто што треба да се исполни, тогаш само тоа не би се исполнувало и тогаш на Србите да им се каже – епа ете 10 години не се исполни тоа, па ќе добиете двојно помалку од тоа што сте го побарале. Тоа е точно, тоа така се случува“, порача Александар Вучиќ.
Тој вели дека единствено прашање е што можеме да промениме, за да ги спасиме нашите деца, да немаме војни и Србија да напредува економски.
„Бидејќи не е лесно, Сергеј Лавров со извонредна точност и прецизност ги дефинираше тие работи, а моето единствено прашање е што можеме да промениме во нашиот однос“, изјави Александар Вучиќ.
Тој додаде дека Сергеј Лавров не критикувал и дека тој, Александар Вучиќ, не поставува реторичко прашање до министерот за надворешни работи на Русија, туку до Србија, со оглед на тоа што сето тоа го знае во многу полоша форма од онаа што Сергеј Лавров го претстави на јавноста.
„Таму Сергеј Лавров беше обвинет дека веројатно ја користат Србија за да предизвикаат конфликти во регионот и слично, но суштината е дека нашите раце се прилично врзани и дека се држиме многу подобро отколку што некој би очекувал, зачувувајќи ги нашите независност, суверенитет и носење одлуки, а не само во смисла на почитување на Повелбата на ОН и чување на нашите граници“, вели Александар Вучиќ.
Тој посочи дека ситуацијата е секако тешка и ќе биде уште потешка.
„Тоа го потврдуваат одлуките во кои сметаат дека Охридскиот договор во целина, или што некои мислат дека би било добро тој договор ЕК да го вклучи како дел од преговарачкото поглавје, а она за што зборував може да биде оној дел за кој јасно кажавме дека можеме да го исполнуваме, но не може да биде дел од преговарачкото поглавје она што кажавме дека не може да се исполни“, нагласи Александар Вучиќ.
