Алкалоид и Комерцијална банка доминираат со над 70% од берзанскиот промет

Од Елена Последно обновено Авг 30, 2025

Изготвен од Илирика Инвестментс АД Скопје врз основа на официјални податоци од Македонска берза.

Гранит и Стопанска со добивки – Реплек и ТТК меѓу најголемите губитници

Скопје, 30 август 2025 година – Во периодот од 25 до 29 август 2025 година, на Македонската берза беа реализирани 279 трансакции со вкупен промет од 64.021.039 денари и 20.732 тргувани хартии од вредност. Индексот МБИ10 неделата ја затвори со раст и достигна ниво од 10.456,70 поени, додека индексот ОМБ остана стабилен на 128,27 поени. На официјалниот пазар се реализираа 279 трансакции, при што најголемиот дел од прометот се однесува на акциите на Алкалоид (ALK) и Комерцијална банка (KMB). Пазарот бележи стабилна ликвидност, со зголемен интерес и кај некои банкарски и градежни компании.

Најтргувани хартии од вредност

Алкалоид АД Скопје (ALK) – 24.100.670 денари, 77 трансакции

Комерцијална банка АД Скопје (KMB) – 22.578.564 денари, 91 трансакција

Макпетрол АД Скопје (MPT) – 3.836.997 денари, 15 трансакци

Топ 3 добитници на неделата

Гранит АД Скопје (GRN) – пораст од +2,87% (од 1.740 на 1.790 денари)

Стопанска банка АД Скопје (STB) – пораст од +1,42% (од 2.810 на 2.850 денари)

Алкалоид АД Скопје (ALK) – пораст од +1,39% (од 25.999 на 26.361 денари)

Топ 3 губитници на неделата

ТТК Банка АД Скопје (TTK) – пад од –1,81% (од 1.660 на 1.630 денари)

Реплек АД Скопје (RPL) – пад од –3,06% (од 15.990 на 15.500 денари)

РЖ Услуги АД Скопје (RZUS) – пад од –2,13% (од 47 на 46 денари)

Обврзнички пазар

На пазарот со државни обврзници е реализиран промет од 658.157 денари преку 3 трансакции со обврзницата Република Македонија – денационализација 22, при цена од 92,90.

Берзанската недела од 25 до 29 август беше стабилна, со фокус на акциите на Алкалоид и Комерцијална банка, кои заедно учествуваат со над 70% од прометот. И покрај благо намалениот обем во споредба со претходната недела, пазарната доверба останува висока, што се потврдува преку растот на Гранит, Алкалоид и Стопанска банка, како и преку стабилноста на индексите.