Американскиот сенатор Менендез најави оставка по пресудата за корупција

Американскиот сенатор Боб Менендез поднесе оставка од функцијата откако беше осуден за корупција.

Менендез во писмо рече дека неговиот последен ден како американски сенатор ќе биде 20 август.

Демократскиот сенатор од Њу Џерси рече дека планира да поднесе жалба на пресудата и дека не сака Сенатот „да се вклучи во долг процес што ќе ја поткопа неговата важна работа“.

Гувернерот на Њу Џерси, Фил Марфи, исто така демократ, сега ќе именува замена за Менендез, кој беше сенатор од 2006 година.

Тој беше и претседател на влијателниот Комитет за надворешни односи, но се откажа од оваа функција откако минатата година беше обвинет за корупција.

Менендез (70) на 16 јули се изјасни за виновен за сите 16 обвиненија за кривични дела, вклучително и попречување на правдата, измама и изнуда.

Пресудата ја донесе поротата во федералниот суд на Менхетен по 9-неделно судење.

Во истиот случај беа осудени и двајца второобвинети.