Американски авиони нападнаа две локации „поврзани со Иран“ во Сирија

Соединетите Држави соопштија дека нападнале два објекти во источна Сирија, тврдејќи дека ги користат иранските сили и групите поврзани со нив.

Секретарот за одбрана Лојд Остин рече дека „прецизните самоодбранбени удари“ се извршени за да се заштити американскиот персонал во Ирак и Сирија и се одговор на неодамнешните напади на милитантните групи поддржани од Иран.

„Овие напади против американските сили поддржани од Иран се неприфатливи и мора да престанат. Иран сака да ја скрие раката и да ја негира својата улога во овие напади врз нашите сили. Ние нема да ги дозволиме“, рече тој, додавајќи дека ќе преземе дополнителни активности доколку продолжуваат нападите на „иранските прокси“ против американските сили.

Американските напади беа „одвоени и различни од тековниот конфликт меѓу Израел и Хамас и не претставуваат промена во нашиот пристап“, додаде Остин, мислејќи на дејствијата што би ескалирале во поширок конфликт.

Американските напади беа извршени околу 04:30 часот по локално време во близина на Абу Камал, град на границата со Ирак, а беа извршени од борбени авиони Ф-16 со помош на прецизна муниција.

Во нападите во Сирија биле погодени складишта со оружје и муниција што ги користеле иранските сили, соопштија официјални лица, пренесе Би-би-си.

Според извештајот до Пентагон, во последните денови вкупно 21 американски војник биле повредени во напади со беспилотни летала и ракети врз воени бази во Ирак и Сирија, а сите се здобиле со полесни повреди.