Америка распоредува ракети: Падна одлука која го запали жариштето во светот!? Дали ни претстои уште еден конфликт!? (фото/видео)
Американската војска, наводно, планира да распореди нови копнени проектили со среден дострел во азиско-пацифичкиот регион за да ја зајакне одбраната на Тајван – потег што моментално „има ограничен тактичко влијание“, но целосно ја покажува решеноста на САД да се мешаат во проблемот со Тајван.
САД ќе испратат ракети со среден дострел, вклучително и Стандард проектил 6 (СМ-6) и Томахавк, во азиско-пацифичкиот регион, објави американската воена информативна веб-страница Defence One, цитирајќи ја изјавата на американскиот армиски генерал Чарлс Флин за време на меѓународниот форум за безбедност ,,Халифакс”.
Флин рече дека САД ги тестирале овие ракети и планираат да ги распоредат во 2024 година. Тој не откри конкретно време или локација на распоредувањето, само рече дека ќе ги распоредат.
Соединетите Американски Држави претходно беа спречени да распоредат нуклеарни и конвенционални копнени балистички ракети, крстосувачки ракети и ракетни фрлачи со дострел од 500 до 5.500 километри според одредбите на Договорот за нуклеарни сили со среден дострел, потпишан во 1987 година.
![](https://vocentar.com/wp-content/uploads/2023/11/tajvan_foto_profimedia-jpg.webp)
Поранешниот американски претседател Доналд Трамп ги повлече САД од договорот во 2019 година и работеше на распоредување повеќе ракети во азиско-пацифичкиот регион за да ја зајакне својата индо-пацифичка стратегија, велат аналитичарите.
Но, распоредувањето на ова оружје се соочува со противење од владите и народите на земјите каде што треба да бидат распоредени ракетите, изјави во понеделникот за Глобал Тајмс Сонг Жонгпинг, кинески воен експерт и ТВ коментатор.
Сонг рече дека СМ-6 и Томахавк, кои наводно ќе бидат распоредени, се небалистички ракети и лесни за пресретнување и затоа не претставуваат голема закана во воена и тактичка смисла.
– Сепак, тој потег е голема политичка провокација, бидејќи тоа значи дека САД целосно се откажаа од договорот и поставуваат проектили на прагот на Кина – рече Сонг.
![](https://vocentar.com/wp-content/uploads/2023/11/tajvan_3_foto_profimedia-jpg.webp)
Од друга страна, Кина го смета прашањето за Тајван за внатрешно прашање и не дозволува никакво мешање од други земји, вклучително и Соединетите Американски Држави. Пекинг е на мислење дека односите меѓу двете светски суперсили треба да се развиваат надвор од проблемот со Тајван. Покрај тоа, тие постојано нагласуваат дека тоа е црвена линија за нив и дека САД не треба да ги потценуваат предупредувањата на Кина.