Анкара има нов план: Турција гради ѕид на границата со Грција!

Турција ќе почне да гради ѕид на границата со Грција за да спречи нелегален влез во Европската унија, изјави гувернерот на северозападната турска провинција Едрене.

„Се планира првично да се изградат 8,5 километри оваа година“, рече Јунус Сезер, гувернер на оваа покраина, која граничи со Грција и Бугарија.

Официјалниот претставник додаде дека другите делови од овој ѕид треба да бидат изградени подоцна долж копнената граница меѓу Турција и Грција, долга околу 200 километри и речиси целосно се состои од реката Марица.

Мигрантите се обидуваат да стигнат до Грција од Турција, главно по морски пат.

Шест мигранти загинаа на море на крајот на февруари кога со гумен чамец се обидоа да стигнат до 
грчкиот остров Самос.