Анчелоти го објави составот на Реал Мадрид за финалето на Лигата на шампионите

Реал Мадрид ја задржа традицијата да го објави својот стартен состав порано од вообичаено, па така на околу два и пол часа пред почетокот на финалето на Лигата на шампионите веќе се јасни стартерите на Карло Анчелоти за пресметката со Борусија Дортмунд на „Вембли“ која започнува во 21:00 часот.

Нема изненадувања во 11-те на Анчелоти. На голот се очекува Тибо Куртоа наместо Андриј Лунин, кој е болен од грип, а е на клупата.

Во одбраната се појавува името на Начо Фернандез, чиј партнер е Антонио Рудигер, а двајцата бекови се Даниел Карвахал и Ферланд Менди.

Триото од средниот ред го сочинуваат Федерико Валверде, Едуардо Камавинга и Тони Крос, за кого ова е последен натпревар на клупско ниво во кариерата.

Напаѓачкиот тандем го сочинуваат Родриго и Винисиус Јуниор, а од бековската позиција на двајцата Бразилци ќе им помогне ѕвездата Џуд Белингам.

Составот на Борусија Дортмунд ќе стане јасен околу 20:00 часот.