Апокалипса во Словенија, бројни села отсечени поради одрони: „Ова е катастрофа!“
Во текот на изминатата ноќ во Словенија врнеше толку силен дожд што словенечката агенција за животна средина Арсо издаде црвено предупредување.
Поради големото количество врнежи што досега наврна на северозападот на Словенија, неколку делови од патиштата се затворени поради нанос на земја и кал, а командантот на општинскиот штаб за цивилна заштита, Миха Венчељ ги предупреди граѓаните да не излегуваат на пат, соопштија од општина Толмин, каде се достапни сите теренски служби.
Има многу локации на кои им е потребна помош, а постојано се отвораат нови свлечишта, па постои опасност за целото подрачје, додаваат оттаму. Иако водата брзо се повлекува во речните корита, во Подбрдо сè уште се активни некои одрони.
Командантот Венцељ рече дека неколку згради се тешко оштетени, а Подбрдо во моментов е пристапно само од страната на Горење или со железница. Сега приоритет е да се воспостават патни врски за да може опремата да стигне до најпогодените области, додаде тој.
https://www.facebook.com/sentviskaplanota/videos/351520994096911/?mibextid=rS40aB7S9Ucbxw6v
Јуре Бегуш, командант на ДВД Толмин, рече дека сите пожарникари се на терен и интервенираат на повеќе од 40 локации. Проблеми имаат и поради лошите врски, а првите повици за помош ги добиле нешто пред 9 часот.
Условите се катастрофални, не можеме ни да се приближиме до противпожарните возила поради оштетените патишта“, рече тој.
Десет лица се евакуирани од селото Коритница и пет од селото Клавже. Речиси секој ќе може да се врати во своите домови кога водата ќе се повлече, има само една сомнителна куќа која ќе биде прегледана од стручни лица пред да се вратат станарите, изјави Ервин Чурлиќ од регионалниот штаб за цивилна заштита за Северна Приморска, пренесува порталот. 24ч.
Поради лошите временски услови, дефекти има и во електричната мрежа, па населените места во Толминско (Мост на Соча, Башка грапа, Шебреље) и Илирскобистришко повремено остануваат без струја.
Како што соопшти општина Толмин нешто по 13 часот, затворени се многу локални и државни патишта, поточно меѓу Љубиње и Подљубиње, на неколку делници од патот меѓу Бач при Модреју и Подбрде и меѓу Моста на Соча и Чепован. Патот кон Нова Горица е делумно пуштен за сообраќај.
Реката Соча се излеа од коритото на делот од патот меѓу Толмин и Моста на Соча, каде што патот беше затворен поради поплавениот коловоз, информираат од регионалниот штаб на цивилна заштита.
Обиколницата е преку селото Ушник. Дождот го зафати и Шентвишката висорамнина, каде под селото Лазе на Пониква се појави порој.
Утрото обилен дожд ја зафати и општина Идрија. Дождовницата поплави некои станбени згради и магацини на компании во Сподња Идрија, а во Идрија предизвикано е свлечиште, пишува Дело.
Пожарникарите се на терен и во општина Церкно и го донеле генераторот во село Буково.
Надојдените потоци поплавија неколку станбени згради, просториите на градинка и продавници во Канал, како и простории на основно училиште во Дескла. Во населбата Крштенице се активираше свлечиште. Целосно затворен е и регионалниот пат Нова Горица-Толмин меѓу Ушник и Доблар поради свлечиштето на стотици кубни метри земја и камења.
Во општина Ајдовшчина голема вода поплави згради во Село, Шмарје, Габерје и Кол.
