Арсенал подготвува спектакуларен летен трансфер: Новиот директор на Топџиите се сретна со европскиот шампион (фото)

Италијанецот Андреа Берта пред неколку дена ја презеде функцијата нов спортски директор на Арсенал, а сега веќе подготвува голема летна трансфер бомба.

Имено, денеска Санти Ауна објави дека Берта одржал состанок со агентот на Ник Вилијамс, фудбалерот на Атлетик Билбао, кој ги воодушеви сите со настапите на Европското првенство минатото лето.

Веќе тогаш Вилијамс беше желба на многу гиганти од Стариот континент, но тој реши да остане во Билбао за да се обиде со својот брат Инаки да им ја донесе на Баскијците титулата во Лига Европа, бидејќи финалето на ова натпреварување се игра на Сан Мамеш.

Вилијамс оваа сезона забележа 38 настапи за Билбао, со 9 гола и 7 асистенции, а пазарната вредност на 22-годишниот фудбалер се проценува на 70 милиони евра.

Јасно е дека следното лето е вистинското време за трансфер на левото крило, а Арсенал сега важи за фаворит за неговиот потпис.

Потсетуваме дека летово Вилијамс беше шампион на Европа со Шпанија и воодушевуваше со своите игри за време на ЕП. Договорот го обврзува со Билбао до летото 2027 година.